Fodspor
Tuluk apummi eqqumiitsuliortoq
Timigissaataalluartarpoq tuluk Simon Beck eqqumiitsulioraangami. Apummi angisuunik eqqumiitsuliortarpoq piffissaq sivikitsuinnaq qaangiuttoq peeruttartunik
Annonse
Eqqumiitsuliap sanallugu naammassinissaa akunnernik 50-inik sivisussuseqarsinnaavoq - silalu allannguallaannartorlu tamavimmi peerutissaaq. Simon Beckip eqqumiitsuliani taavai Snow Art - tassalu apummi tumiliorlunilu ilusilersuisarluni.
Facebook-imini allappoq tamanna nalaatsornerinnarmik 2004-mi aallartissimallugu, taamanikkut tatsimi apummik qallersimasumi Aiguille Rouge-mi ullorialiorusutsakkami. Pujorsiummik pissarseriarluni apummi "angisoorsuarmik" ullorialiorpoq.
– Inernera tupinnarsimaqaaq, apimmallu eqqumiitsuliarlu peerulluni ilusilersukkanik sanajuminaannerusunik aallartippunga, Simon Beck allappoq.
Assit amerlanerusut Facebook-pofiliani takusinnaavatit uani