atuartitsineq
Tuluit oqaasiisa pingaarnerit aappaattut oqaaserineqarnissaat Inatsisartuni oqallisigineqalersut
Meeqqat atuarfiani qallunaat oqaasiinut taarsiullugit tuluit oqaasii pingaarnerit aappaattut atuartitsissutigineqartariaqarput, Vivian Motzfeldt (S) isumaqarpoq
Qallunaat oqaasii tuluit oqaasiinik taarserlugit pingaarnerit aappaattut oqaaserineqalerlik.
Siumumeersoq Vivian Motzfeldt apeqquteqaat aallaavigalugu Inatsisartut oqallinnissaannik taama saqqummiussivoqm taanna ullumi marlunngornermi Inatsisartuni oqallisigineqassaaq.
Meeqqat atuarfianni tuluit oqaasii pingaarnerit aappaattut oqaaserilerneqarsinnaanersut, kalaallit inuiaqatigiit nalilersueqqittariaqarneranut piffissanngortoq, taanna allappoq.
Atuaruk: Nivi: Tuluttoornerup utaqqisinnissaanut akissaqanngilagut
Nikinneq pissusissamisoortoq
- Meerartagut inuusuttortagullu siunissaraagut, taakkua nunarsuarmioqatitsinnut ammanerulernissaat ilisimasaqarnerulernissaallu aqqutissiuuttariaqarparput, taamaammat tuluit oqaasiisa Nunatsinni meeqqat atuarfianni pingaarnerit aappaattut atuartitsissutigineqartalernissaat atuutsinneqalissasoq siunnersuutigaara, Vivian Motzfeldt tunngavilersuivoq.
Atuaruk: Tillie: Tuluttoorneq utaqqisilli
Amerlanngitsut qallunaatoortartut
Nunarsuarmi sumiikkaluaruttaluunniit tuluit oqasii qitiusumik attaveqaqatigiinnermi atorneqartartut, taassuma oqaatigaa.
- Qallunaat oqaasii piffinni annikitsunnguani kisimik atorneqarsinnaasut paasineqarsinnaasullu, nunatsinni oqaatsit aappaattut meeqqat atuarfianni atuartitsissutigiinnarniarnerlugit, Vivian Motzfeldt aperivoq.
Atuaruk: Ineqi: Tuluttoorneq qallunaatoornermit amerlanerusunik periarfissaqartitsivoq