Qaasuitsup Kommunia
Tullianik qinersisoqartinnagu avinniarpaat
Qaasuitsup Kommuniani Oqartussaaqataanermut Ataatsimiititaliap aappaagu kommunimut qinersisoqartinnagu avannaata kommunia kommuninut pingasunut aggorniarpaa. Tamanna peqatigalugu kajumissaarutigineqarpoq aningaasaqarnikkut nammaqatigiinnissaq, kommunip avinneqarnerani arlaannaalluunniit ajorsartooqqunagu
Kommuni avinneqassappat millionilikkaanik akeqarnissaa Qaasuitsup Kommuniani politikerit qinersisartulluunniit ersissutiginngilaat.
Qaasuitsup Kommuniani Oqartussaaqataanermut Ataatsimiititaliaq sapaatip akunnerani kingullermi Aasianni ataatsimiippoq, tassanilu ataatsimiititaliap isumaqatigiissup kommunalbestyrelsimut inassutigaa kommuni pingasunut avinneqassasoq.
Kukkuineq nangeqqinneqassanngilaq
– Akaareqatigiilluta avissaagut. Arlaannaalluunniit sumiginnarneqassanngilaq tamarmillu nammaqatigiissapput, kommunip nutaamik avinneqarnerani immikkut aningaasartuutit akilerneqartussanngorpata, Qaasuitsup Kommuniani Oqartussaaqataanermut Ataatsimiititaliap siulittaasua Enok Sandgreen, Siumut, oqarpoq.
– 2009-mi aaqqissuusseqqinnermi kukkuneq nangeqqissanngilarput, taassuma kingunerisimammagu kommunit aningaasaqarnikkut ajornartorsiuterujussuarnik sorsuutiginnittariaqarnerat, nammineerlutik qaangerniagassaminnik. Kommunip avinneqarnerata pitsaasumik aallartinnissaanut tamatta ataatsimut akisussaaffeqarpugut, taanna AG-mut oqarpoq.
Aaqqissutaassaaq Kangaatsiaq, Aasiaat Qasigiannguillu nammineq kommuninngornissaat taamatuttaarlu Iluissat Qeqertarsuarlu. Kommunit pingajuat tassaassaaq Uummannaq, Upernavik Qaanaarlu.
Aappaagu kommunimut qinersisoqassaaq.
Allaaserisaq tamaat AG-mi atuaruk. Aviisi aamma pisiarisinnaavat uani: