nappaatit

Tuberkulosep qaangernissaa ungasittoq

Imigassamik atornerluineq inigissaannginnerlu tuberkulosep akiorniarneranut akimmisaartitsisarput

Nunarsuaq tamakkerlugu TB-mik ulloqartitsineq peqqinnissaqarfimmiik malunnartinniarneqarpoq.

61-it. Tassa 2016-imi TB-mik tuniluuttumik nappaateqarnerat paasineqarpoq.

Kalaallit Nunaanni nappaatip annertuumik atugaanera kisitsisit takutippaat.

Tallimanngorneq marsip ulluisa 24-at tassaavoq nunarsuaq tamakkerlugu TB-mut ullorititaasoq ”World TB Day”.

Akiuviniarneq ajornatorsiuteqarnerup akimmisaartikkaa

TB-pillugu ajornartorsiutip peqqinnissaqarfimmit kisermaallugu aaqqiivigineqarsinnaannginnerata paasinissaa pingaaruteqarpoq.

- Ajornartorsiutit angerlarsimaffeqanngitsoqarneratut ittut sivisuumik TB-mut nakorsartinnissamut ajornakusuulersitsisuupput, Nunatsinni Nakorsaaneqarfik, tusagassiuutinut nalunaaruteqarpoq.

Taamaammat nappaat akiorneqassappat inuiaqatigiit annertuumik iliuuseqartariaqarput.

- Unammilligassalli annikitsutut nalilerneqassanngillat. Nappaatip atugaanerata akuerineqarsinnaasumut killiffissaanut aqqut takeqaaq, nungutivinnissaannullu aqqut suli takinerulluni, Rikke Bruun de Neergaard, Peqqissaasutut siunnersorti oqarpoq.

Nittartagaq paasissutissartalik

Nuna tamakkerlugu TB akiorniarlugu iliuusissat nutaat tusarniaassutaapput, nappaammik suussusersiniaanermi periarfissat pitsaasuullutik. Pitsaasumik peqqissaasoqassappat nappaat siusissukkut paasineqarnissaa pingaaruteqarpoq.

Taamaammat iluatitsilluarnissamut aqqut annertuunik-, sivisuunik-, ataavartunillu pisortaqarfinnit qitiusunit, peqqinnissaqarfimmit innuttaasunillu namminernit iliuuseqarfigineqarnermik tunngaveqassaaq.

Nittartakkami tuberkulose.gl nappaat pillugu paasissutissanik imaqarluarpoq.

Powered by Labrador CMS