Tuberkulosemut akiuiniarnermut 200.000 koruunit
Danmarkimi Puannut peqatigiiffik Danmarks Lungeforening Kalaallit Nunatsinni peqqissaasup tuberkolosertunik ujaasinerannut katsorsaanerannullu 200.000 koruuninik tunissuteqarpoq.
Kalaallit Nunaanni tuberkolosertut Danmarkimut sanilliullugu 25-riaammik amerlanerupput. Danmarkimi Puannut peqatigiiffiup tusagassiutitigut nalunaarummini nunarsuarmi nunani piitsuunerusuni tuberkolosertunit nunatsinni tuberkolosertut amerlanerusut allaaseraa, Kujataani nunaqarfinni tuberkolosertut amerlanerupput.
– Nunatsinni napparsimasut tuberkosertut ingerlaannaq katsorsarneqartarput, aammali tunillaassuisut nassaarinissaannut suliaq annertusaqaaq. Tamannalu suliaq peqqissaasut suliarissavaat, taamaalilluni tuberkolosertut ikinneruniassammata, taamatut Danmarkimi Puannut peqatigiiffimmi direktør, Charlotte Fuglsang tusagassiutitigut nalunaarummi allappoq.
Ukiuni kingullerni 25-ni tuberkolosertut amerligaluttuinnarsimapput maannakkullu Danmarkimi tuberkolosertunut naleqqiullugit 25-riaammik amerlanerullutik. 2005-imi innuttaasunit 50.000-iusunit tuberloseqalersut 100-juupput, massa Danmarkimi innuttaasunit 50.000-iusunit tuberkoloseqalersut 3,7-iusut.