Tuberkulose
Tuberkulose ima akiorneqassaaq
Sakialluut TB Nunatsinni qanoq annertutigisumik atugaatiginera ilisimasalinnit misissuiffigineqarsimavoq. Taakkuli arlallinnik siunnersuuteqarsimapput.
Naalakkersuisoq 2016-imi aasakkut WHO nunatsinnut qaaqquniarlugu suliniuteqarpoq.
Paasisassarsiorlutik angalasut
Immikkut ilisimasallit WHO-mit, Statens Serums Institut-imit Dansk Lungeforening-imiillu aallartitat Nunatsinni Nakorsaaneqarfimmeersoq, Peqqissutsimut Naalakkersuisoqarfimmeersoq Peqqinnissaqarfimmeersorlu peqatigalugit Tasiilaq,
Kulusuk, Nuuk Aappaluttumilu rubiinisiorfik angallavigaat.
Kalaallit Nunaanni pissutsit sakialluummillu TB-mik pitsaanerusumik pitsaaliuinissaq akiuinissarlu ukkataralugu paasiniaavigaat, Nunatta Nakorsaanera Henrik Trykker aamma sygeplejefaglig konsulent Rikke Bruun de Neergaardi tusagassiuutinut nalunaarummi paasissutissiipput.
Sakialluutip TB-ip politikkikkut innuttaasullu akornanni ukkanneqartuarnissaa pingaartinneqarpoq.
Innersuussutitit
Ilisimasallillu sakialluummut TB-mik akiuiniarluni 2017-miit 2021-imut suliniutissatut siunnersuutinik saqqummiussaqarput:
- Nappaatip akiorniarneqarnerani piaartumik nappaammik suussusersisarneq kinguneqarluartumillu nakorsaatit atorlugit nakorsaaneq pingaaruteqarluinnarput.
- Nappaatip tuniluunissaa annikillisinniarlugu sapinngisamik piaarnerpaamik suussusersisinnaajumallugu nakorsarsinnaajumallugulu, ilinniagaqassuseq tunngavigalugu peqqinnissakkut sullissisut ilinniartitaanissaat ilitsersorneqarnissaallu kiisalu ilisimatusarneq pingaaruteqartuarsinnarput.
- Tamatumunnga atatillugu aaqqissuussamik tunillatsissimasinnaasunik ujartuineq siunnerfilimmillu innuttaasunik tunillatsinnissamut
- napparsimalernissamullu immikkut navianartorsiorsinnaasunik misisuisitsisarnernik inerisaanissaq innersuussutaapput.
- Kalaallit Nunaanni pissutsinut immikkut ittunut nassuiaataasinnaasumik, inuttut atukkanik peqqissutsimut sunniuteqartunik TB-ip atugaaneranik nakkutilliinerup annertusineqarnissaa innersuussutaavoq.
- Nappaat inuttut atukkanik aallaaveqarmat peqqinnissaqarfiullu kisimi akiorsinnaanngimmagu pisortat suliffeqarfiutaat/paaqqinnittarfiit akimorlugit suleqatigiinnissaq pingaaruteqarportaaq.
Aamma atuaruk: TB pillugu nalunaarusiaq