Skip to main content

Trump kamakkaluaqisoq Natomi qullersap illersoqatigiinnissaq neriorsuutigaa

Europa illersornissamut aningaasaliisarnissamut ataatsimoorluni anguniagaqarnermut ajunngitsumik ingerlasoq, Jens Stoltenberg oqarpoq.

Amerikamiut præsidentiat NATO-mi pingasunngornermi sisamanngornermilu ataatsimiittoqarnissaa sioqqullugu oqarluartaarpoq: Nunat Europamiittut illersornissamut aningaasanik atuinerussapput, USA atuinikinnerussasoq.

Ataatsimiinnissamut apuunnermini Natop generalsekretæria, Jens Stoltenberg, oqarpoq Donald Trump oqarluartaartoq.

Generalsekretærilli ilimagivaa siuttut isumaqatigiilerumaartut – aamma siunissami – taamaalillutillu tamarmik “tunniussaqarumaartut”.

- Uani ataatsimiinnermi pingaaruteqarpoq takutissagipput Nato tunniussaqarsinnaasoq, Stoltenberg oqarpoq.

Generalsekretærillu naqissuserpaa nammineq inissisimaffimmini ineriartortitsiviunngitsoq nunap siuttui assigiinngitsut qanoq isumaqarnersut pisortatigoortumik eqqoriaqattaassallugu.

- Uanga suliassanni pingaarnersaavoq siuttunik ataatsimoortitsinissara ataatsimoortitsiniarnissaralu, Jens Stoltenberg oqarpoq.

Aaqqiagiinnginneq akiliisarnermut tunngassuteqarpoq. NATO-mi ilaasortatt Wales-imi 2014-imi ataatsimiinnerminni aalajangiuppaat nunat illersornissamut aningaasartuutissaat ukiut qulit ingerlanerani nunat bnp-ivisa 2 procenterissagaat.

Tamannalu Trump naammagittarfigisinnaasimanngilaa, aamma qularnarmat nunat tamarmik tamanna 2024-imi angusinnaassagaat. Nunammi ilaasa 1 procenti ataallugu illersornissamut atortarmassuk

Tamannalu nunami ataatsimeersuarfiusumi, Belgiami, aamma pisarpoq.

- Naatsorsuutigaara ammasumik unneqqarissumillu ataatsimiittoqarumaartoq. Isumaqatigiinngittoqarpoq, isumaqatigiinngissutaasulli ilaat NATO-mut attuumassuteqanngillat, kisiannili niuernermut attuumassuteqarlutik, ilaalli NATO-mut tunngassuteqarput, Stoltenberg oqarpoq.

Illersornissamut pisortat erseqqissaatigaa Europami illersornissamut aningaasaliissutaasartut annertusiartortut.

- Illersornissamut aningaasartuutit aatsaat taama qaffatsigisut siorna takuarput, Stoltenberg oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER