Skip to main content

Trudeau nunap inoqqaavinut utoqqatsertoq

Canadap ministeriunera Justin Trudeau Naalagaaffiit Peqatigiinni oqalugiarnermini Canadap nunap inoqqaavinut sumiginnaasimanera utoqqassutigaa. New York Times allappoq.

Ministeriunerup Justin Trudeauip Canadap nunap inoqqaavinut sumiginnaasimanera sapaatip akunnerata siuliani Naalagaaffiit Peqatigiinnut utoqqatsissutigaa.

Taanna neriorsuivoq, naalakkersuisut inuunermi atugassarititaasunut saammaateqatigiinnissamullu annertuumik suliniuteqarniartut. New York Times allappoq.

Trudeauip Naalagaaffiit Peqatigiinnut oqalugiarnermini nunap inoqqaavinut 'kanngunarsaanermik, sumiginnaanermik nakuusernermillu' ilaqartoq, Canadap oqaluttuarisaanerani kanngunartuliaanerarpaa.

- Oqaluttuarisaanermi naapertuutinngitsumik iliuuserineqartarsimasut iluarsiiviginiarlugit annertuumik sulissuteqarsimavugut,
Canadamilu nunap inoqqaavisa inuuniarnermikkut atugarisaasa pitsanngorsaavigineqarnissaat, taanna oqarpoq.

Justin Trudeauip ministeriulernerminiillu nunap inoqqaavinut 1,4 millioniusut sulissutigineqarnerisa annertusarneqarnissaat neriorsuutigisimavaa. Taamaattoq kingorna iliuuseqarpallaarsimanngitsutut isornartorsiorneqartasimalluni.

- Aqqut nutaajungaluarpoq sulilu inissinneqarani, kisianni saammaateqatigiinnissaq pillugu neriulluarpunga, taanna Naalagaaffiit Peqatigiit ataatsimeersuarnerini oqarpoq.

Imermik minguitsumik amigaateqarneq, imminut toquttarnerup qaffasissusaa toqutsisarnerillu aammalu arnat periarfeerunneqartarneri nunap inoqqaavisa ajornartorsiutaannut ilaapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER