Qaqqaq inissinneqartoq
Troldpikken sukkanerpaaq atorlugu nappaqqinneqarpoq
Norskit sanasuisa Troldpikken aserorterinermit napineqarsimagunartoq nappaqqippaat
Ujarassuaq oqaluuserineqaqisoq Troldpikken Norgemiittoq, inissamineeqqilerpoq.
Norskit nutaarsiassaqartitsiviat VG allappoq.
Taanna qaammatip siuliani aserorterinermit napineqarsimangunarluni tallimanngornerup unnukkuani napparneqaqqippoq,
Troldpikken maajip qaammataata naalernerani naffakoq toraarneqarpoq.
Ujarak arlariinnik putoortitsersimavvoq, Dalane Tidende allappoq.
Najukkami piumassutsimik suliaqartartut suliniummut akuersissummik piniarsimapput, tassani taanna ujassuaq Norgep kujasissortaani Eigersundimi napparneqaqqinnissaa anguniarneqarsimalluni.
Kigguqutit savimernit ujaqqamut ikkussorneqassapput, lim-illu cementillu inissaminiinnissaanut qulakkeerinnissapput. Aatsaalli sapaatip-akunnerata tulliani takuniarneqaqqissinnaalissaaq.
- Inisseqqikkatsigut assut iluarusuutigaarput. Ajornerpaamik ernumaleraluarpunga. Eqqaamassavarsi nunarsuarmi uagutsitulli ulluni 13-ni taama suliaqartoqarsimanngimmat, Sverre Garpestad oqarpoq.
Ujaqqalli nappaqqinneqarnissaanut aningaasat najukkami najugaqartunit piffissami sivikitsuaqqami angupallassimavaat.