Tour de France

Tour de France etape aappaani sukkaniunnersuarmi Kittel ajugaavoq

Etape aallartilaaginnartoq siuartoqarpoq, 200 kilometerillu sinnerlugit ingerlaareerlutik taakku anguneqarput.

Ukioq manna Tour de France etapet aappaani sukkaniunnersuaq Tyskip Marcel Kittelip (Quick-Step) ajugaaffigaa.

Sukkanernut ilaapput sukkaniuttartuni ilimagineqartut soorlu Peter Sagan (Bora) aamma André Greipel (Lotto Soudal), taamaattoq Kittel apuuteqqaarpoq.

Taylor Phinney (Cannondale) etape aallartinneqarnerani siuartunut ilaavoq, apuuffissamulli kilometeriinnanngortoq anguneqarluni.

Ajutoortorpassuit

Etape, 203,5 kilometerinik isorartussuseqarpoq, Düsseldorf-imiilli Tysklandimiit Liege-mut Belgiamiittumut ingerlaartoqarluni, tassani ajutoortorpassuaqarpoq, Chris Froome unammisartoqataali amerlanerit Sky-minngaanneersut ajutooqataapput.

Taamaasilluni ilimagineqarluartoq Froome sikkilini taarsertariaqarsimavai, kisiannili peqataaqqipallalerluni.

Geraint Thomas (Sky) siuttup kiataa sungaartoq tigummiinnarpaa.

/ritzau/

Powered by Labrador CMS