Monday, March 20, 2017 - 07:20

Torlorsorneq politikkikkut oqariartuutitut atoraa

Tiffany Ayalik aamma Hans-Henrik Suersaq torlussortut Arnanut FB-mi qupperanni, tassaniimmat Qoornoq Festivalimit filmiliamit tigulaagaq.
Assi.: Privatfoto
Canadamiumut isiginnaartitsisartumut Tiffany Ayalimmuut torlussorneq politikkikkut sakkuuvoq, naggueqatigiit inuit inooriaasiannik inooriaaseqarnissamut pisinnaatitaaffeqarneranik uppernarsaataasoq.

Nipit torlumminni itisuumit pilersitaat qatitujaartut qaninniarujoorpasissutut nipeqartut tusarnaartunik tiguaalluinnarput. Torlorsorneq taama nipeqarpoq, Kalaallit Nunaanni aamma Canadami inuit itsarsuarnilli atortagaat.

Kalaallit Nunaanni torlorsortarneq nunasiaataanerup nalaani takussaajunnaarpoq, kisianni Canadami atugaajuarsimavoq, naak piffissap ilaani inerteqqutaasimagaluarluni. Tiffany Ayalik inuusuttut torlorsortartut ilinniartitsisartullu ilagaa.

- Torlussortarpunga torlussorneq qilaatersornerlu Canadami qanittoq tikillugu inerteqqutaammata allaallu paquminartutut isigineqarmata. Taamaattumik isiginnaartitsisartutut eqqumiitsuliortutullu torlussorneq politikkikkut takutitsiniutaavoq.

- Torlussoraangama naalakkersuisut inuit kulturiannik ileqqutoqaannillu inerteqquteqarsimanerisa iluatsinngitsoorsimanerannut uppernarsaataasutut misigisimasarpung. Naggueqatigiinnit inunnit kingornussarsiakka oqaatsillu naalakkersuisunit ilagiinnillu katuullinit arsaarinnissutigineqarsimasut ilinniarsinnaagakkit atorsinnaagakkillu tulluusimaarutigaakka, Tiffany malunnartumik attortissimalluni Arnanumi nutaami oqaluttuarpoq, taanna uani pisiarisinnaavat.

Seneste nyheder / Nutaarsiassat kingulliit