Aasianni toqutsineq
Toqutsisutut pasisap tigummigallarnerqarnera sivitsorpaat
Arnaq 25-nik ukiulik toqutsisimasutut pasisaaq Nuummi Sermersuup Eqqartuussiviani killisiorneqarmat atermik imaqarniliamillu saqqummiussisoqassanngitsoq eqqartuussisoq aalajangerpoq
Arnap 25-nik ukiullip arfininngormat Aasianni angummik 29-nik ukiulimmik toqutsisimasutut pasisaasup tigummigallarneqarnera ullunik 26-nik sivitsorneqarpoq Nuummi Sermersuup Eqqartuussiviani pingasunngornermi killisiuisoqarmat. Politiilli annerusumik oqaaseqarsinnaanngillat atermik imaqarniliamillu saqqummiussisoqassanngitsoq eqqartuussisoq aalajangermat.
Arnaq 25-nik ukiulik pasisaavoq angummik 29-nik ukiulimmik Aasianni toqutsisimasutut. Angut napparsimmavimmi toquvoq savimmik kapineqarnermik kingorna.
Qaasuitsup Eqqartuussiviani sapaammi killisiuisoqarmat arnaq najuutinngilaq. Taanna tarnimikkut napparsimasut napparsimmaviannut unitsinneqarpoq aammalu tarnikkut pissusaa pissutaalluni killiusiuinermi nammineq najuussinnaanani.
Toqusut timaanni misissuisartut Danmarkimeersut misissuereerpata angutit toquneranut sunarpiaq pissutaaneq paasinarsissaaq.