Birna Brjánsdóttir
Toqutsisutut pasineqartup tigummigallarneqarnera sivitsoqqittoq
20-nik ukiullip Birna Brjánsdóttirip toqunneqarneranut unnerluussaasup angutip kalaallip tigummigallarneqarnera Reykjavikimi eqqartuussiviup sapaatip-akunnerinik marlunnik sivitsoqqippaa
Annonce
Taamaalilluni eqqartuussiviup angutip paarnaarussivimmiiginnarnissaa pingajussaanik aalajangiiffigaa. Immikkoortitaallunilu suli paarnaarussaaqqassaaq, Islandimi tusagassiorfinni tamanna atuarneqarsinnaavoq.
Politiit sapaatip-akunneri aqqaneq-marluk qaangiutsinnagit unnerluussummik allagaqareersimassasut ilisimatitsissutigineqarpoq.
Angut kalaaleq inuusuttoq kilisaammi Polar Nanormi sulisimasoq pingasunngornermi killisiorneqarpoq, politiillu naapertorlugit angutip pinngitsuunerarnini attatiinnarpaa.