Nuuk

Toqutsisumut eqqartuussut atuuttussanngortinneqartoq

Eqqartuussisuuneqarfiup Sermersuup Eqqartuussiviata angummut 44-nik ukiulimmut nuliaminut 39-nik ukiulimmut toqutsisimasutut ukiuni arfineq marlunni inissinneqartussanngorlugu eqqartuussinera atortussanngortippaa

Kalaallit Nunaata Eqqartuussisuuneqarfia angummut Nuummeersumut 44-nillu ukiulimmut nuliaminik 39-nik ukiliummut toqutsisimasutut ataasinngornermi eqqartuussivoq. Angut ukiuni arfineq marlunni pineqaatissinneqarsimasunut inissiisarfimmiittussanngorlugu eqqartuunneqarpoq.

Suliassaq 29. maj 2014-imi aallartippoq, tassani politiit inissiarsuit ilaannut Nuummi aggersarneqarput, arnarlu 39-nik ukiulik nassaaralugu.

Uisoq 44-nik ukiulik tigusarineqarpoq taamanermiillu tigummigallarneqalerluni. Eqqartuussisuuneqarfiup - Sermersuup Eqqartuussiviata uppernarsaaneratut - angut nuliaminik toqutsisimasut uppernarsarpaat.

Unnerluussisussaatitaasoq Lasse May ima oqaaseqarpoq:

- Suliaq alianarluinnartuuvoq, kisianni nuannaarutigivara eqqartuussisuuneqarfiup suliassaq unnerluussisussaatitaasutut nalilersimammagu, unnerluunneqartorlugu toqutsisimasutut eqqartuullugu.

Atuaruk: Toqutsisoq eqqartuunneqarpoq taarsiisussanngorlunilu

Unnerluutigineqartoq ukiuni arfineq marlunni pineqaatissinneqarsimasunut inissiisarfimmittussanngorlugu eqqartuunneqarpoq, toqutsisoqarsimatillugu ‘pineqaatissiisarnernit nalinginnaasunit’ sivisunerusumik.

Pineqaatissiinerullu sivisussusaa pillug unnerluussisussaatitaasoq Lasse May ima oqarpoq.

- Unnerluussisussaatitaasut ukiuni arfineq marlunni pineqaatissinneqarnissaa piumasaraat, ilaatigut unnerluutigineqartoq siornatigut inoqamminut ulorianartumik pissuseqartarsimanerata pillugu eqqartuunneqartareersimammat, kiisalu aamma toqutsinerata nalaani meeraat najuullutillu isiginnaarsimammata, taamaammat aamma uani pisup immikkuullarissutai Kalaallit Nunaanni Eqqartuussisuuneqarfiup unnerluussisussaatitaasutut nalilersimammagit nuannaarutigaara.

Unnerluutigineqartoq aamma meeqqanut qimagaasunut taarsiisussangorlugu kiisalu nuliarigaluaminut kingornussisussaajunnaartillugu aamma eqqartuunneqartoq.

Atuaruk: Angut arnamik toqutsisimasutut unnerluutigineqarpoq
Atuaruk: Assit: Arnaq toquvoq - pisoq politiinit misissorneqarpoq

Powered by Labrador CMS