Retssag
Toqutsisoq Herstedvesterimut
Piffissaa aalajangernagu parnaarussivimmiitinneqarnissaanik kredsrettip pineqaatissiinera Kalaallit Nunaata Eqqartuussiviata sisamanngormat aalajangiuppaa
Sermersooq Kredsrettimi angut 20-nik ukiulik juunimi pineqaatissinneqarpoq piffissaa aalajangernagu Herstedvesterimi Parnaarussivimmiitinneqassasut, 2012-imi 26-inik ukiulimmik - Blok 17-imi pisimasumik taaneqartumi - toqutsisimasutut.
20-nik ukiullip eqqartuussut Kalaallit Nunaata Eqqartuussivianut ingerlateqqippaa, neriuutigalugu pineqaatissiissut ukiunut 8-10-nut appartinneqassasoq, sismanngormalli Kalaallit Nunaata Eqqartuussiviata pineqaatissiissut aalajangiuppaa, taamatut KNR nittartakkamigut paasissutissiivoq.
– Eqqartuussik isumaqarpoq pisariaqartoq unnerluussap Danmarkimi parnaarussivimmut tarnip pissusaanik katsorsaavilimmut pineqaatissinneqarnissaa, Lars Kirkegaard, Politiini unnerluussisuuneq, KNR-mut oqarpoq.
20-nik ukiulik maanna Danmarkimi Herstedvesterimukassaaq pineqaatissiissut atoriartorlugu.
KNR malillugu toqutsisoq 20-nik ukiulik naggataatigut oqarpoq ´Ugguarpunga´.
Kalaallit Nunaata Eqqartuussivia aalajangiivoq toqutaasup qatanngutaa angut kisimi taarsiivigineqassasoq. Kredsretti aalajangiisimagaluarpoq angutaa, arnaa qatanngutaalu taarsiivigineqassasut, KNR paasissutissiivoq.