Birna Bjránsdóttir
Toqutsisimasutut unnerluutigineqartoq aatsaat augustip naanerani killisiorneqassaaq
30-nik ukiullip, Birna Bránsdóttirimut toqutsisimasutut unnerluutigineqartup eqqartuunneqarnera kinguartinneqarpoq. Eqqartuussineq aggustip naanerani nanginneqassaaq
Birna Brjánsdóttirimut toqutaasimaneranut eqqartuussineq kinguartinneqarpoq.
Eqqartuussineq aqagu marlunngornermi aallarnerneqariarluni suliaq aatsaat aggustip naanerani naginneqaqqissaaq. Eqqartuussinermi unnerluussisussaatitaasoq, Kolbrún Benediktsdóttir Sermitsiaq.AG-mut paasissutissiivoq.
30-nik ukiulik toqutsisimasutut unnerluutigineqartoq aqagu nassuiaatinneqassanngitsoq, tassuma ilanngullugu oqaluttuaraa. Taamaasilluni januarip ulluisa 13-ni qanoq pisoqarsimaneranik taassuma nassuiaateqarnissaa aatsaat aggustip naanerani pissaaq.
Angutip nassuerutigaa, Birna Brjánsdóttiri bilimiissimasoq kisiannili tassunga toqutsisimasuunnginnerarluni.
Tysklandimiup nakorsap ilisimatuup pinerluttoqarsimanerani nalunaarutaa kinguaattoornera, eqqartuussinerup kinguartinneqarneranut pissutaaqataavoq. Unnerluussisuutitaasulli nalunaarummik suli tigusaqarsimanngitsut, Kolbrún Benediktsdóttirip paasissutissiaraa.
Taamaasilluni aqagu Polar Nanumi inuttat kisimik nassuiaatinneqassapput.
Eqqartuussivissalli aggustip qaammataani qaqugorpiaq ingerlanneqassanersut aqagu eqqartuussivimmi paasissutissiarineqassapput.