namminiilivinneq
Toqutsinissamik sioorasaarutit Sukap akuerisinnaanngilai
Namminiilivinnermut Naalakkersuisup nalaagaaffeqatigiinnerup ingerlatiinnarnissaanut tapersersuisut toqumik sioorasaarneqartarnerat akuersaanngilaa
Naalagaaffeqatigiinnerup attatiinnarneqarnissaanut illersuisut Nauja Lynge Jairus Lyberthillu toqumik siorasaartittarsimallutik tusagassiuuteqarfinnut oqaluttuarisimavaat.
Tamannalu akuersaarneqarsinnaanngitsoq, Namminiilivinnermut Naalakkersuisoq, Suka K. Frederiksen (S), tusagassiuutinut nalunaarutigaa.
- Innuttaasut ilaat naalagaaffeqatigiinnermut tapersersuisuunertik pissutigalugu toqunneqarnissamik sioorasaarneqartarnerat pissusissamisuunngilluinarpoq, Naalakkersuisoq erseqqissaavoq.
Januariimi naalagaaffeqatigiinnerup ingerlatiinnarnissaanik naneruarlutik ingerlaaqatigiinnerup kingorna Jairus Lyberthi Facebookikkut toqunneqarnissamik siorasaarneqarpoq.
- Sioorasaarisuuvoq kalaallinit kingoqqisuusoq Facebookimi allammat akerliussutsimik takutitsinermi takkutissalluni, ujaqqanik milloorluta, niaquerluta ilaallu ilanngullugit. Kalaallit Nunaanni oqalliffinni nunamik killuussisutut taagorneqarpunga paasitinneqarlunga quppernermi allassanngitsunga, Jairus Lyberth, AG-mut oqarpoq.
Atuaruk: Katerisimasut amerlanngitsut naalagaaffeqatigiinnermut tapersersuisut
Nauja Lynge ungasinngitsukkut oqariartuuteqarpoq oqallinnermi aqqutissiuussisuujunnaarniarluni sakkortuumik oqallinneq peqqutigalugu appisaluunneqartarnini pissutigalugu.
- - Uanga inuttut qanoq ittuunera pillugu allaaserineqarnerma saniatigut ilaatigut allaffigineqartarpunga ujaqqanik milloorneqarlunga toqutaassasunga, niaquerneqarlunga imaluunniit aallaaneqarlunga. Nuanniitsorpassuupput sioorasaarinerit, Nauja Lynge, AG-mut oqapoq.
Naalakkersuisut namminiilivinnissaq politikkeringaluarpassakkut allat isumaat tusarneqarsinnaasariaqartut, Suka K. Frederiksen (S) erseqqissaavoq.
Pisariaqarpoq nunatsinni oqalliseriaaserput nalilersortuassallugu ilinniartuassallugulu, tamannami isumaqatigiikkaanni isumaqatigiinngikkaaniluunniit pingaaruteqarpoq kaammattuerpalaartumik suleqatiserinnittumillu suliassat pitsaanerpaamik angusaqarfiussappata.
- Taamaaliornikkut anguniakkat oqallisissallu qimannagit pitsanngorsaataasussat nukittorsarlugit naammassineqarsinnaasammata, Suka K. Frederiksen oqarpoq.
Oqallinnerup tamaanga killiffianut politikerit akisussaasuusut, Nauja Lynge isumaqarpoq.
- Naalakkersuinermik suliaqartut namminiilivinnissamik suliniuteqarnerup ingerlalluarniassaa iluaqutiginiarneqarpoq taamaattumillu Danmark ajortuliortutut takutinniarneqartarluni.
- Innuttaasut uukapaatinneqassapput oqarluni maannakkut namminiilivinnissamut ministeqarlissaagut imaluunniit ukiut 100-t qaangiuppata qanoq taaguuteqassanersugut pinnguaatigalugu. Tamakkuli uagutsinnut sakkortuumik kinguneqarput tamatigoortumimmi oqallittoqarnissaa kissaatigaarput akeqqatut isiginqarnata, Nauja Lynge Radio 24syvimut oqarpoq.