BMX-imi VM

Tommy finalimut ingerlaqqippoq

Kølnimi sikkilinik BMX-inik VM-eqarnermi inuusuttut marluk Sisimiuneersut peqataapput. Pissartanngorniunnermi tamatumani Kalaallit Nunaat siullermeersumik peqataatitaqarpoq

Tommy Mølgaard Christensen tallimanngornermi juulip 18-ianni Kølnimi BMX-inik VM-eqarnerani unammeqqaarpoq, finalimullu sapaatiuppat ingerlanneqartussamut anngulluni.

Privat

Nuka Jørgensen

arfininng 19. juu 2014 10:45

Inuk Siegstad, 19-inik ukiulik, Tommy Mølgaard Christensenilu, 17-inik ukiulik, marluullutik Sisimiuneersut ulluni makkunani Tysklandimni Kølnimiipput, tassani juulip 18-annit 20-annut sikkilinik BMX-inik nunarsuarmi pissartanngorniunnermi peqataallutik. BMX-inik VM-eqarnerani Kalaallit Nunaat aatsaat peqataatitaqarpoq.
Ulloq siulleq, tallimanngornermi, inuusuttoq Tommy Mølgard Christensen Freestyle-mi unammeqataavoq, ingerlalluaramilu finalimut annguppoq, taannalu ingerlanneqassaaq sapaatiuppat juulip 20-anni. Tallimanngormat unamminermi peqataasut 60-iupput, unamminermilu kiattorujussuuvoq, taamaattumik Tommy angusarissaaqaaq.
Ajoraluartumik paasinngilarput Inuk Siegstad qanoq ingerlasimanersoq.
Kølnimukannginnerminni Inuk Siegstad Tommy Mølgaard Christensenilu Skivemi sungiusarput. Inuk Siegstad sapaammi juulip 13-ianni Skivemut pereerpoq, Timmylu Skvemut pivoq marlunngornermi juulip 15-ianni.

timersoneq nunanit allanit