'urani naamik'

Tivolimi pisoqarnera atorluarniarpaat

Uranimut akerliusut Københavnip illoqarfiata qeqqani akerliussutsimik takutitsissapput aaqqissuussinerup Kalaallit Nunaat Tivolimi ingerlanneqarnera ilutigalugu

2014-imi akerliussutsimik takutitsinermit assi

Akerliussutsimik takutitsineq aallartissaaq nalunaaqutaq 13.00, Københavnimi Rådhuspladsenip eqqaani Regnbuepladsenimi, nalunaaqutarlu 13.30 Nytorvimut ingerlaaqatigiittoqassaaq. Akerliussutsimik takutitsineq suliniuteqarsimavoq Falke Thue Mikaelsenimit, aaqqissuunneqarlunilu avatangiisinik illersuiniaqatigiiffiup Noah-p uranimut gruppia suleqatigalugu.

Aaja oqalugiassaaq

Nytorvimi ilaatigut folketingimut ilaasortat pingasut oqalugiassapput: Inuit Ataqatigiinneersoq Aaja Chemnitz Larsen, Enhedslistenimeersoq Finn Sørensen kiisalu Rasmus Nordqvist, Alternativetimeersoq.

Tamatuma saniatigut Noah-mit, Det Økologiske Rådimit, Greenpeace-mit kiisalu innuttaasut gruppiannit uranimik piiaanissamut akerliusunit oqalugiartoqassaaq.

Taavali aliikkusersuisoqassaaq, Varste Berndtsson Vivi Nielsenilu tivallutillu uaaeerlutik, nipilersussappullu Mike Thomsen, Kunuk Platou aamma Pip & co. kiisalu Rassi Thygesen aamma Karina Møller paninilu aliikkusersuissapput.

Ukiut aappassaa uranimut akerliusut Kalaallit Nunaat Tivolimi-p ingerlanneqarnerata nalaani akerliussutsimik takutitsissapput.

Powered by Labrador CMS