kulturi

Tivasartup toqqarneqarnini killitsissutigaa

Nipilersortartoq tivasartorlu Leif Saandvig Immanuelsen arfininngormat Kommuneqarfik Sermersuumi kulturimik nittarsaasartutut nutaatut toqqarneqarpoq

Arfininngormat eqqumiitsulianik katersugaasivimmi qujalluni oqalugiarpoq
Nipilersortartoq Leif Saandvig Immanuelsen
Nipilersortartoq Leif Saandvig Immanuelsen Leiff Josefsen Kommuneqarfik SermersooqArfininngormat eqqumiitsulianik katersugaasivimmi qujalluni oqalugiarpoq Kommuneqarfik SermersooqNipilersortartoq Leif Saandvig Immanuelsen Leiff Josefsen Kommuneqarfik SermersooqArfininngormat eqqumiitsulianik katersugaasivimmi qujalluni oqalugiarpoq Kommuneqarfik SermersooqNipilersortartoq Leif Saandvig Immanuelsen Leiff Josefsen

Arfininngormat februaarip 6-anni Nuuk Kunstmuseumimi aaqqissuussinikkut Leif Saandvig Immanuelsen 2016-imi Kommuneqarfik Sermersuumi Kulturimik Nittarsaasartutut toqqarneeqarpoq.

Eqqumiitsuliortoq killitsittorujussuuvoq.

– Telefonikkut nalunaarfigitikkama Aasianniippunga taavani meeqqerivimmi qilaat qilaatersornerlu oqaluttuaralugit. Oqaasissaarulluinnarpunga. Eqqarsarpunga taamatut toqqarneqarnissannut naammattumik sivisussusilimmik eqqumiitsuliortuusimanerlunga, Immanuelsen oqarpoq.

Eqqumiitsuliortut oqaaseqartartuat

– Maannali eqqarsaatigilluareerlugu tamanna akueraara ukiorlu aggersoq qilanaarisorujussuuvara.

Leif Saandvig Immanuelsen ukiorpassuarni nipilersortartuullunilu scenemiittartuusimavoq aammalu EPI-mi siulittaasuusimalluni.

Silis qutsavigineqarpoq

Taassuma kingoraarpaa filmiliortartoq Inuk Silis Høegh, 2015-imi kommunimi kulturimik nittarsaasuusimasoq.

Leif Saandvig Immanuelsenip Kommuneqarfik Sermersuumi kulturimik nittarsaasartutut nutaatut toqqarneqarneranut ilaatigut tunngavilersuutaapput ukiorpassuarni nipilersornermik isiginnaartitsinermillu sammisaqartuusimanera, aammattaarli qlaatip qilaatersornerullu saqqumilaarnissaannik atorneqarnissaannillu annertuumik suliniuteqarsimanera.

Oqaluffik angakkorsarnerlu akulerullugit

Leifip nammineq qilaat inuttut ineriartornermini atortarpaa - ilaatigut suliassamik angisuumik aallartitsissagaangami.

– Leifip tamaviaarutigisimavaa qilaatip qilaatersornerullu oqaluffimmi atornissaat. Aallaavittut silarsuit taakkua marluk assigiinngeqaat tamarmik immikkut pileqqaarfeqarlutik, kulturilli immaqalu allaat upperisat akulerutsinnissaannik isuma kusanartorujussuuvoq, borgmester Asii Chemnitz Narup arfininngormat toqqaanermut atatillugu ilaatigut oqarpoq.

Kulturimik nittarsaasumik nutaamik toqqaanermi pindemad-inik sassaallertoqarpoq aammalu qilaatersornermik uaaeernermillu aliikkusersuisoqarluni.

Powered by Labrador CMS