pilersaarut
Titartaasartup tusaamasap issittumi arsaattarfissuaq titartarpaa
Nunatta Eqqumiitsulianik Saqqummersitsivissaa nuunneqassaaq aamma issittumi arsaattarfissuassaq qalilik illoqarfiup ineriartortinnissaanut pilersaaruterujussuarmut, ullumi marlunngornermi Kommuneqarfik Sermersuumi borgmesterimit Asii Chemnitz Narupimit saqqummiunneqartumut ilaavoq
Sanaartugassat taakku marluk ilusilersorneqarnerannut, danskip illussanik titartaasartup tusaamasap Bjarke Ingelsip titartaanut assut nuannarinnippoq.
Naluttarfik Malik arsaattarfissuarmut qallikkamut isikkiveqalissaaq, taassumalu tunuani Nunatta Eqqumiitsulianik Saqqummersitsivissaa illoqarfiup qeqqanit nuunneqarnissaa eqqarsaataavoq.
Aamma atuaruk: Nunatta oqaluttuarisaanerani inissianut pilersaarut annerpaaq
Nermallammik aamma Nuummi sullorsuup tungaanut ikaartarfimmik pilersitsisoqarnissaa assimi takuneqarsinnaavoq.
Arsaattarfissuaq Australiami Sydneymi operartarfissuartut sunniuteqarluarnissaa, Bjarke Ingelsip neriuutigaa, tassanilu KNR-ip ima oqartoq issuarpaa:
- Sanaartorfissatut inissisimaffik taanna Sydneymi operartarfissuup inissisimaffianut assingusorujussuuvoq. Operartarffimmik titartaasup, Jørn Utzonip, suliaata illoqarfiinnaanngitsoq Australiali tamaat malunnarnerulertippaa, Bjarke Ingels oqarpoq.
Apummut qingartararmut sermermulluunniit iigartartumut eqqaanartumik sananissamik inerneqarpoq. Sanaassarli iikkamigut ammassaaq, kangerluk, Qinngorput, Nuussuaq Nuullu isignnaarneqarsinnaallutik.