Piiaaffiit
Titaniumimut suliniut avannaani isumalluarfigineqartoq
Aatsitassarsioqatigiit Finnaust Roderick McIllree siuttoralugu 72 million koruuninik pissarsisimapput Kalaallit Nunaanni suliniummi atorneqartussanik
Tuluit suliffeqarfiutaata Finnaustip Pituffimmit 25 kilometerinik ungasitsigisumi Moriusami titaniumimut suliniut annertuumik isumalluarfigaa. Suliffeqarfillu ukiuni aggersuni suliniummut aningaasarpassuarnik aningaasaliinissaminut piareersimavoq.
- Pituffiup eqqaani ilmeniteqarfiit nutarpasillutillu minguippasipput. Kingullermik sermersuaqarnerata nalaaneersuupput taamaalillutik 50-70.000-inik pisoqaassuseqarlutik, tassalu pineqartumut atatillugu nutaajullutik. Taamaattumik nunarsuarmi niuernermi immikkut soqutiginaateqarlutik, Finnaustimi ujarassiooq pisortarlu Roderick McIllree siusinnerusukkut Greenland Minerals and Energymi (GME) pisortaasoq oqarpoq.
Atuaruk: GME-p pisortaa tunuarpoq
Pisortaq malillugu Finnaustip ukiut kingulliit marluk atorlugit Pituffiup eqqaani ilmeniteqarfiup annertussusaa misissorsimavaa. Ilmenit saffiugassami titaniumimi pingaarnersaavoq, qalipaasiornermi, pappilialiornermi plastikiliornermilu atorneqartarluni.
- Qaammatini kingullerni arfinilinni ilmenitip akia marloriaatinngorsimavoq. Ajunngutsimullu ingerlasutut isikkoqarpoq.
Titaniumimik suliniutip saniatigut Finnaust aamma Qeqertarsuarmi Narsallu eqqaani Kangerluarsummi misissuileruttorpoq, taakkuli suli allarnisaanerupput.
Suliniut pillugu allaaserisaq tamaat Sermitsiami kingullermi atuarsinnaavat: