bommert
Timmissat pillugit nalunaarut tunuartinneqartoq
Timmissat pillugit nalunaarut nutaaq aqagu sisamanngornermi atorunnaarsinneqassaaq – atuutilerneraniit ullut sisamat qaangiutiinnartut. Appanniartarnermut malittarisassat qassiiliutaapput
Timmissat pillugit nalunaarut qangali utaqqissaasoq ukiortaami atuutilerpoq, taannalu malillugu appanniarneq ukiortaami unippoq.
Maanna aalisarnermut piniarnermullu naalakkersuisoq Hans Enoksen Partii Naleqqameersoq siunnersuuteqarpoq nalunaarut tamarmi utertinneqassasoq taamalu appanniarneq januarip arfernat aallarteqqissalluni.
Kukkuluttortoqartoq
Tulluusimaarutiginngivillugu Hans Enoksenip siunnersuutigaa timmissat pillugit nalunaarut utertinneqassasoq tassuuna ilisimatuut naliliinerat malillugu appat nungutaanissamut ulorianartorsiortitaasut illersorneqarnerat sukaterniarneqarpoq.
Atuaruk: Januaarip aallaqqaataani appanniarneq unissaaq
Taamaattorli aalisartut piniartullu kattuffiata KNAPKp tallimanngormat Hans Enoksenimik ataatsimeeqateqarnermini eqqaasitsissutigaa nalunaarutip atuutilerfissaa pillugu kukkuluttortoqarsimasoq taamaattumillu nalunaarut utertinneqartussanngorpoq.
- Nalunaarut nutaaq maanna appanniarneq februarip naanerani unippat aatsaat atuutilersinnaavoq. Kukkuneq pisariaqanngikkaluarpoq uangalu tassani politikkikkut akisussaasugama tamaat akisussaaffigaara, Hans Enoksen oqarpoq.
Kukkuluttorneq pillugu AG-mi paasisaqarnerugit: