Frankrigimi pisoq
Timmisartumi aquttartoq piaaraluni qaqqamut aporunartoq
Timmisartuutileqatigiiffiup Germanwingsip timmisartortartua timmisartup ajutoornerani aquttarfiani kisimiissimasoq Marseillemi unnerluussisoq oqarpoq
Timmisartuutileqatigiiffimmi Germanwingsimi aquttup aappaa timmisartup ajutoornerani pisuusorineqarpoq. Piaarilluni qaqqamut ajutoorsimanissaa pasineqarpoq. Timmisartoq ajutoormat inuit 149-t ajunaarput.
Unnerluussisoq Marseillemeersoq oqarpoq. Timmisartunik ajutoortoqarsimatillugu misissuisartut misissuinerannit taamatut inerniliisoqarallarpoq.
Timmisartup aquttua timmisartup ajutoornerani aquttarfimmi kisimiissimasoq unnerluussisoq Brice Robin oqarpoq.
Timmisartup naalagaa aquttarfimmit anigami uteqqinniarluni aquttup aappaata matu ammarusussimanngilaa.
- Aquttup aappaata matu ammarusussimanngilaa timmisartorlu apparsariartortilerlugu, Robin oqaluttuarpoq.
Timmisartup naalagaata aquttarfimmut matu ammarniarsaraa ajutoortoqannginnissaa anguniarlugu.
Qanoq ajutoortoqarsimanersoq oqaatigiumaneqangikkallartoq
Timmisartumi Germanwingsimi aquttup tullia 2013-ip ukiaani atorfinitsinneqarsimasoq Lufthansamit nalunaarutigineqarpoq. Akunnerni 630-ni timmisartornermik misilittagaqartoq aamma nalunaarutigineqarpoq.
Timmisartuutileqatigiiffik Germanwings Frankrigip kujataaniitilluni apparsariartulerpoq. Timmisartumit arlaannik ajutuulertoqarneranik nalunaaruteqartoqanngilaq.
Timmisartup ajutoorneranut atatillugu qanoq pisimanersoq pisortatigoortumik suli oqaaseqarfigineqanngilaq. Ajutoorneq marlunngorpat pivoq timmisartorlu Barcelonamit Düsseldorfiliarluni.