annaassiniarneq
Timmisartuaraq suli nassaarineqanngilaq
Timmisartuaraq inuinnarnit pigineqartoq ataatsimik issimasulik Tunumi suli ujaarineqarpoq
Annonce
Arfininngormat ualingaatsiartukkut Air Greenlandip helikopteria Sikorsky timmisartuaqqamik, sisamanngormalli ualikkut attaveqarfigineqarsimasumik, kisimiilluni ujaasivoq.
– Ujaasineq unnuup tungaanut ingerlanneqassaaq, sapatiuppallu ullaakkut tamakkiisumik nangeqqinneqassaaq, tassa nassaartoqarsimanngippat, Naviair-ip tusagassaqartitsinermut ataqatigiissaarisua Camilla Hegnsborg arfininngormat 16.30 missaani oqarpoq.
Kikkut tamarmik neriuutigaat timmisartuaraq ajornartoorluni isumannaatsumik arlaannut missimassasoq.
Sisamanngormat tammaaneqalerami akunnerni marlunni timminissaminut orsussaqarsimavoq.