pilluarit!
Timmisartortartut marluk piareertut
Timmisartortartut marluk ilinniarnerminnik naammasseqqammersut Air Greenlandimi suliffittaarput
Tallimanngormat Jaqqa Grønvold aamma Daniel Marco Kielsen Holm timmisartortartutut allagartartaarput.
Ilinniarnerat ukiuni marlunni oqitsuinnaanngitsumik ingerlasimavoq, tuluttut atuarneq annertuumik ingerlanneqartarluni, timmisartortuusaarnerlu akunnerpassuarni ingerlanneqarsimalluni.
Atuaqatiminni kisiartaallutik suliffittaareerput, tassa Air Greenlandimi atorfinikkamik.
Naak allagartartaareeraluarlutik Air Greenlandimilu atorfinereeraluarlutik ilinniarnerat suli naammassivinngilaq. Qaammatini tulliuttuni marlunni timmisartut assigiinngitsut ilinniassavaat nunatsinnilu minnermut ilinniassallutik.
Peter Lethin Larsen, Air Greenlandimi ilinniartunut pisortaq, Jaqqa Grønvoldimut Daniel Marco Kielsen Holmimullu oqalugiarpoq, tassani pilluaqquai kiisalu pimoorussilluarnerannik pikkorinnerannillu nersualaarlugit.