timmisartumik isumannaallisaaneq
Timmisartortartut isumannaallisaanermut aarlerisut
Købanhavnip mittarfissuata allilerneqarnissaanut pilersaarut timmisartortartunit arlalinnit kinguneqarnerlussinnaanerarlugu mianersoqqussutigineqarpoq
Købanhavnip mittarfeqarfiata decembarimi pilersaarutertik saqqummiuppaat. Mittarfik sanaqqinneqarlunilu allilerneqassasoq ukiumut ilaasunut 40 millioniusunut timmisartorsuarnullu anginernut 17-nut miffigineqarsinnaasunngorlugu pilersaarummi ilaavoq.
Air Greenlandimili timmisartortartoq Ove Grødemi pilersaarutigineqartoq pillugu mianersoqqusivoq. Mittarfiup ilaa akimoorluni ingerlaffiusartup atorunnaarsinneqarnissaanut pilersaaruteqarneq timmisartunut isumannaallisaanermut naapertuutinnginneraalluni.
- Isumannaatsumik aallarusukkussi isumannaatsumillu piffissaq eqqorlugu tikillusi mittarfiup allilerneqarnissaanut aaqqiissutissamik ujartuisariaqarpugut, Ove Grødem timmisartortartut peqatigiiffia sinnerlugu timmisartortartut allat arfineq-marluk peqatigalugit Berlingske Businessimi ullumi saqqummertumi allagaqarput.
CPH: 0,4 procentit kisimik sunnerneqassapput
CPH - Købanhavnip mittarfia - mittarfiup allilerneqarnissaanut nalunaarusiaq quppernernk 28-nik takissuseqartoq, ilaatigut mittarfiup akimoortumik ingerlaffiusartoq misissuiffigineqarluarsimasoq saqqummersippaa.
- Silap qanoq innera timmisartulluunniit qanoq itttuunera pissutaanani akimoortumik miffissap matuneqarnissaa sunniuteqangaassanngilaq. Piffissarlu eqqorlugu timmisartuussineq minnerpaamik sunnerneqassalluni. Soorlu timmisartuussinermi sillimaniarneq aamma allanngorunnanngitsoq, nalunaarusiami allaaserineqarpoq. Timmisartullu 1 miollioninit ikinnerunngitsut aallarneri tikinnerilu misissuiffigineqarsimallutik.
Atuaruk: Timmisartoq motoorimigut ajoquteqarluni qularnaatsumik mittoq
- Mittarfiup akimoortup atorunnaarsinneqarpat 0,4 procentimik kinguaattoornernik taamaatitsinernillu taamaallaat sunniuteqassasoq misissuinerup inernilutigaa.
Ukiukkut miffigineqarnerusarpoq
Timmisartortartut mittarfiup ilaa piffissami kingullermi atorneqarluarsimasoq maluginiaqquaat.
- Anorip sakkortussusaata mittarfiullu quatsertarnera kinguneranik mittarfiup ilaa arlalinnik miffigineqarsinnaasoq atortariaqartarparput, timmisartortartut oqarput.
'Sillimaniarneq pissutigalugu mittarfiup ilaa akimoortoq uagutsinnut pingaarutilerujussuuvoq soorlu ilaasutsinnut aamma pingaaruteqartoq', pilotit paasissutissiipput.
Mittarfik allilerneqaraluarpat mittarfiup ilaa atorunnaarsinneqassanngitsoq kajumissaaripput.
Politikkikkut oqallisigineqarnissaa kissaatigineqarpoq
Allisitsinermut inatsit folketingimi ilaasortanit amerlanerussuteqartoqarnikkut aatsaat allonngortinneqarsinnaavoq. Mittarfiullu allilerneqarnissaa pillugu timmisartortartut allagaqarnermikkut politikkikkut oqallittoqalernissaa neriuutigaat.