Timmisartornermut piumasaqaatinit nutaanit kikkut eqqugaassanersut takuuk

Paragraf 37 naapertorlugu apeqquteqaammut akissummi atuarneqarsinnaavoq, ingammik Uummannaq taartumi timmisartorsinnaanermut piumasaqaatit sukaterneqarnerinut eqqorneqassasoq, tassani qulimiguulimmik angallannerup 19 procentia uani qaammammi sunnerneqassaaq.

Qaanaaq aamma Upernavik
Qaanaami angallannerup decembarip 6 procentia sunnerneqassasoq, Upernarfimmilu 5 procentiata sunnerneqarnissaa naatsorsuutigineqarpoq.

Attaveqaqatigiinnermut naalakkersuisoq Erik Jensen akissuteqaammi Jess Svanemut allappoq, kiffartuussinissamut isumaqatigiissutit kaperlattartumi timmisartuussinermut piumasaqaatit nutaat qanoq sunnissaneraat taanna apeqquteqarpoq.

Erik Jensen understreger, at Naalakkersuisut som sådan ikke har indflydelse de nye regler, da det er et spørgsmål om passagerernes sikkerhed.

Ilaasut isumannaatsunissaannut tunngassuteqarmat, Naalakkersuisut malittarisassanut nutaanut sunniuteqanngitsut, Erik Jensenip naqissuserpaa.

Tusaatissatut tiguneqartoq
- Ilaasut inuttallu timmisartuni isumannaallisaanermi qitiutinneqartariaqarnerat Naalakkersuisut suliamik suliaqarnerminni pingaartippaat, taamaattumillu teknikkimut piumasaqaatit teknikkikkullu aaqqiissutissat tusaatissatut tiguneqarput, Erik Jensen allappoq, imatullu ilisimatitsivoq:

- Air Greenlandimit ilisimatitsissutigineqarpoq, piumasaqaatit ilaasunut ikittuinnarnut allannguinernik annikinnerusunik kinguneqartussaasut, tassanilu Uummannaq eqqugaanerpaassasoq. Allannguutit decembarip qaammataani malugineqarnerpaassapput.

Januaarimi angallannermut pilersaarutit iluarsineqassapput, Air Greenlandimiillu ilisimatitsissutigineqarpoq, ingerlatseqatigiiffiup 2018-imi sapaatit akunnerini siullerni ikittuaraannarnik allannguinissaq naatsorsuutigigaa.

- lisimatitsissutigineqarsinnaavoq timmisartuussinissat pilersaarutaasut amerlassusaat attatiinnarneqarmat, ullunulli amerlanerusunut siammarterneqarlutik, Erik Jensen akissummini allappoq.

Ajuusaartoq
Ilaasut ilaasa juullilernerani ulluinnarlugu aqqut annaanissaat, Erik Jensenip ajuusaarutigaa. Kisianni angalasut isumannaatsuunissaat salliunneqartariaqartoq oqaatigaa.