Kujalleq
Timmisartoqarfiit pillugit siuariartorneq ptsaasoq
Kujataani mittarfiliassaq pillugu ataatsimoorussaq
Kommune Kujallermi ineriartortitsinerup pitsaasumik toqqammavissinneqarnissaa pisariaqarluinnartoq Kommune Kujallermi kommunalbestyrelsimi ilaasortat ataatsimiinnerminni oqaluusereerlugu ataatsimoorlutik oqariartuutigaat.
Kommune Kujallermi kommunalbestyrelsimi ilaasortat ataatsimoorlutik Naalakkersuisut aamma Inatsisartut qinnuigaat Kommune Kujallermi ineriartortitsinisssaq tapersersoqqullugu.
Kommunalbestyrelsimi ilaasortat atsioqatigiillutik erseqqissaatigaat ineriartortitsineq pitsaasumik toqqammavissaqartinneqassappat attaveqaatitigut pitsaasumik aaqqissuussisoqarnissaa pingaaruteqarluinnartuusoq, tamannalu tunngavigalugu Kommune Kujallermi qinikkaniit erseqqissaatigineqarpoq attaveqaatit tungaatigut ataqatigiissaakkamik nunalu tamakkerlugu ataqatigiilersitsussamik ineriartortitsisoqarnissaa pingaaruteqarluinnartuusoq.
Kommunalbestyrelsimi ilaasortat ataatsimoorlutik nalunaarutissartik atsioqatigiissutigaat aningaasaliissutissat pillugit Nanortalimmi septembarip 23-ani isumasioqatigiinnermik, aamma septembarip 24-ani nalinginnaasumik ataatsimiinnermik kingorna.
Kommunalbestyrelsimi ilaasortanit 15-iusunit taamaallaat Atassutip ilaasortaatitaa ataatsimoorluni nalunaarutissaq atsioqataaffiginiarnagu aalajangerpoq.
Talerpiata tungaani isumaqatigiissut takuneqarsinnaavoq