redningsaktion
Timmisartoq qulimiguullillu marluk timmisartuaraq ujaaraat
Sakkutuut timmisartuat Challenger ujaaseqataassaaq
Tunumi sila pitsaanerulerpoq. Taamaattumik qulimiguullit Sikorsky aamma Bell 212 timmisartuaqqamik ujaarlerlutik aallartipput.
Naviairip timmisartuaraq sisamanngornermi attaveqatigiunnaarpaa. Timmisartuaraq ataatsimik ilaasoqarpoq, Naviairimi ataqatigiissaarisoq Camilla Hegnsborg Sermitsiaq.AGmut oqaluttuartareerpoq.
Tunumi innuttaasunit timmisartuaraq takuneqarpoq.
- Innuttaasunit nalunaarutigineqarpoq timmisartuaraq kitaata tungaanut timmisoq. Taamaattumik Kulusuup eqqaani kisimi ujaarlissanngilagut, ataqatigiissaarisoq oqarpoq.
- Timmisartuaraq akunnerup pingajua malillugu timminissamut orseqqavoq. Imaassinnaasoq arlaannut nunnissimassasoq, Camilla Hegnsborg oqarpoq. Oqaatigisinnaanngilaa timmisartuaraq qanoq isikkoqarnersoq aamma suminngaanneersuunersoq.
Challenger ujaarleqataassaaq
Sakkutuut timmisartuat Challenger ujaarleqataanissamut piareersimavoq.
- Sakkutuut qinnuigaavut ujaaseqataaqqullugit, taamaattumik Challengerip ujaarleqataanissaa naatsorsuutigaarput, Camilla Hegnsborg oqarpoq.