Timmisartoq Hercules Nunatsinnukartoq aqqutaani nunneqqaartariaqarsimasoq

Timmisartoq assartuut Hercules Kalaallit Nunaannukartussaq Aalborgimi nunneqqaartariaqarsimavoq pingasunngormat.

Timmisartup milernermi uuttuutaa ajoqquteqartoq paasineqarpoq, taamaattumillu timmisartup milernerani upalungaarsimasoqarluni. Nordjyske.dk allappoq.

- Timmisartoq silaannarmiitilluni ajoqquteqanngilaq. Milernermi motorip qaminneqartarnissaa pissusissamisut ippoq, Aalborgimi timmisartoqarfimmi ingerlatsisoq officer Vagn Iversen nordjyske.dk-mut oqarpoq.

Pisoq pissanganartorfiunngitsoq oqaatigaa.

Timmisartoq Islandimi orseqqaariarluni Kalaallit Nunaannut ingerlaqqittussaagaluarpoq. Timmisartoq Norgep kujataaniitilluni mianernartoqarneranik kalerriuteqarpoq, taamaattumillu Aalborgimut utertariaqarluni.

Timmisartoq 20-nik ilaasoqarpoq, 20 tonsinillu useqarluni.