timmisartup ajutoornera
Timmisartoq Dash-8 Ilulissani ajutoortoq
Air Greenlandip timmisartuisa ilaat Dash-8 pingasunngornerup ullaavani Ilulissanut minnermini ajutoorpoq - knr.gl allappoq ajunaartoqarsimanngitsoq
Timmisartup Dash-8-p pingasunngoernerup ullaatungaani Ilulissanut milernermini niulua aserorpoq.
Ilulissat timmisartoqarfianut aqqut matuneqarpoq, ambulancellu ingerlaaginnavillutik.
- Inuit sisamat ajoqqusersimanerat pissutaalluni Ilulissat napparsimaviliaanneqarput. Nalunaarutigineqarporli annertunerusumik ajoqqusersimanngitsut. Timmisartumi sulisut sisamat tamarmiullutik timmisartoq qimareerpaat, Lars Kirkegaard Politeeqarfimmit nalunaaruteqarpoq.
Politiit nalunaarput timmisartumi ilaasunit ajunaartoqanngitsoq.
Air Greenland Politeeqarfillu tusagassiutinut nalunaarniarlutik ulapputeqaluruttorput.
Ilulissani ullaap tungaani anorlingaatsiarpoq, Kalaallit Nunaanni misissuisartut Asiap nittartagaani allaqqavoq Ilulissani meterimut 16-imik sakkortutigisumik anorlertoq.
Paasissutissat nutaat atuakkit: Air Greenland Dash-8 mittarfiup sinaanut sisoorpoq