Timi Asimi
Timi Asimi ingerlaqqippoq
Inuusuttunut suliniut, Timi Asimi, januaarimi matoqqajaaleraluartoq maanna Kommuneqarfik Sermersooq ulloq unnuarlu paaqqutarinnittarfiit suleqatigalugit ingerlaqqippoq
Suliniut, Timi Asimi, inuusuttut ilinniagaqalernissaannut siumullu aallarnissaannut ikiuinissamut siunertaqartoq Kommuneqarfik Sermersooq meeqqanut inuusuttunullu suliutissaminik januaarimi aalajangersaammat matoqqajaaleraluarpoq.
Kisianni suliniut maanna ingerlaqqippoq.
Timi Asimi ingerlatsisoq, Kim Godtfredsen oqarpoq.
Atuaruk: Kommune: Timi Asimi suleqatigineqaqqissinnaavoq
Juullip tungaanut ingerlassaaq
Maannakkummi Timi Asimip suliniut inuusuttuaqqanut qulinut, meeqqanut ulloq unnuarlu paaqqutarinnittarfik Qaamasoq suleqatigalugu, ingerlataa juullip tungaanut ingerlassaaq. Peqataasut Qaamasup isersimaartarfiani anginermi ullaakkut naapittarput.
Atuaruk: Suliniut iluatsilluartoq unittariaqalersoq
- Inuusuttuaqqanut suliniut Timi Asimip neqeroorutai Kommuneqarfik Sermersuumi inunnik isumaginnittoqarfimmit Nuummilu ulloq unnuarlu paaqqinnittarfimmiittunit inuusuttunit tigulluarneqarsimapput, Kim Godtfredsen oqarpoq.
- Ulloq unnuarlu paaqqinnittarfiit pingasut inuusuttullu inunnik isumaginninnermi sullissivimmut attuumassutillit suliniummut peqataapput, ullormut timikkut unammilagassarpassuit peqataaffigisarlugit, soorlu pisunnerit, crossfit-i, arpannerit, nalunnerit, suleqatigiinnermut sungiusarnerit, il. il., Kim Godtfredsen oqarpoq.
Inuusuttut katillugit 117-it Timi Asimip ingerlataanut peqataanikuupput.
Atuaruk: Hans Enoksenip Timi Asimi illerpaa