Timersortartut Kattuffiat
Timersuutit uku GIF-imi ilaasortanngorput
Kalaallit Nunaanni Timersortartut Kattuffiata timersuutit marluk kattuffimmut ilaasortanngortippai
Pisissertartut floorballertartullu Kalaallit Nunaannit Timersortartut Kattuffianni ilaasortanngorput.
Illoqarfiit pingaarnersaanni timersoqatigiiffiit Nuuk Floorball Club aamma Pisisseq Nuuk Bueclub ilaasortaalerput.
- Pingaartipparput peqatigiiffiit nutaat aallartinnerminni tapersersorluarneqarnissaat tassami nunatsinni suli annertunerusumik tusarsaasoqanngilaq, taamaatumik ineriartornissaannut tapersersorneqartussaapput. Neriuutigaarput ilaqutariipassuit timersuutit taakkua neqeroorutaasut ilaasortanngorfiumaaraat nunatsinni timersoqatigiit kattuffianut ilaasortanngoqqammersut, kattuffik ilisimatitsivoq.
Kalaallit Nunaani Timersoqatigiit Kattuffianut kattuffiit ilaasortaatsut qulingiluaapput tassaassullu isikkamik arsarneq, sulorarneq, nerrivimmi arsaararneq, qajaq, volleyball, taekwon-do, issittumi timersuutit, aammalu amerlasuut kattuffeqanngitsut ilaasortaaput.
Timersoqatigiiffiit kattuffeqanngitsut ilaasortaasut arlaqarput, soorlu makkua naluttartut, shotokan karate do, ooqattaasartartut, arpattartut, tilluutartut, sumiissusersiorlutik arpattartut, ilaalu ilanngullugit.
Pisisse Nuuk Bueklub pillugu AG allaaserisaqarpoq AG nummer 11-mi. Aviisi pisiariuk annertunerusumillu paasisaqarfigalugu