pilluarit
Timersullammattut toqqarneqartup uppernarsaatini tiguaa
Sisoraatinik oqilaniuttartoq, nunaannarmi arpattartoq, rullskertartorlu 36-nik ukiulik Frederik Petersen, Iluiarmiu, tallimanngormat ukiumi timersullammattut toqqarneqarpoq. Toqqarneqarnerminut peqataasinnaannginnami uppernarsaatini ullumi tiguaa
Kalaallit Nunaanni Timersoqatartut Kattuffiata tallimanngormat ukiumi timersullammak, sungiusaasuullammak siulersuillammallu toqqarpai.
Frederik Petersen ukioq manna timersullammattut toqqarneqarpoq. Toqqarneqarnerminulli atatillugu Nuummi peqataanngilaq.
Toqqarneqarneranut atatillugu tunniunneqartoq maannakkut tigusimalerpaa.
Tusagassiivik Sermitsiaq.AG-mi tusagassiortup Kathrine Krusep uppernarsaat Frederik Petersenimut tunniuppaa ullumi pingasunngornermi.
Angusarissaarluaqattaartoq
Timersullammattut toqqarneqartoq Frederik Petersen timersuutini assigiinngitsuni ukioq manna angusarissaaqattaarnini pissutigalugu toqqarneqarpoq.
Frederik Petersen ukioq manna aamma Arctic Circle Race-mi peqataavoq normu 3-ngorlunilu, taamanikkut ullunut aggorlugit 160,3 kilometerimut sisoraatinik oqilaniunnermi atorsimallugit akunnerit 11-t minutsillu 53-it, Kalaalllit Nunaanni Timersoqatigiit Kattuffiat allappoq.
- Frederik Petersenip periarfissani tamaasa atorlugit pitsanngoriarfiusinnaasut sungiusarnermigut pitsanngoriarfigisarpai. DM-imi rulleskimi pingajuattut inissippoq kiisalu Vest Cupimi ajugaalluni, Timersortartut Kattuffiannit tallimanngormat ilaatigut oqaatigineqarpoq.