Sermersooq

Timersullammammik nersornaasiinermut innersuussigit

Kommuneqarfik Sermersuup timersornerup ulloqartitsineranut atatillugu innuttaasut piukkunnartunik nersornaaserneqartussanik inassuteqarsinnaapput

Sulorartartoq Jens-Frederik Nielsen 2014-mi timersullammattut nersornaaserneqarpoq

Januaarip arfernani Kommuneqarfik Sermersooq timersornermut ulloqartitsissaaq.

Tassunga atatillugu ukioq manna pissartanngortunut kommuuni allagartanik nersornaasiissaaq. Innuttaasullu kina, imaluunniit timersoqatigiit sorliit, kommuunimit nersorniarneqassanersut innersuusseqataasinnaapput.

Atuaruk: Timersortartut nalliuttorsiutigineqartarnerat allanngortinneqarpoq

Assigiinngitsut tallimat
Timersortartut imaluunniit timersoqatigiiffiit assigiinngitsunut tallimanut innersuunneqarsinnaapput:

  • Ukiup timersullammaa
  • Ukiup sungiusaallammaa
  • Aqutsisuullammak
  • Iligiillammaat
  • Piukkunnaatilik
  • Kajumissaat

Qulaani taakkartorneqartut kingusinnerpaamik ataasinngorneq 23. november 2015 Sunngiffiup immikkoortoqarfianit tigoreersimaneqassapput, Kommuneqarfik Sermersooq ilisimatitsivoq.

Siunnersuutit uunga nassiunneqarsinnaapput: peqatigiiffiit@sermersooq.gl - imaluunniit kommuunimut allakkamik nassiussisoqarsinnaavoq.

Assit: Jens-Frederik Nielsen Nuummi timersullammattut toqqarneqartoq

Powered by Labrador CMS