tusagassiuutit
Timersortunik akeqanngitsumik isiginnaarsinnaasoqalernissaa Atassummit siunnersuutigineqarpoq
Namminersorlutik Oqartussat akiligaannik innuttaasut timersortunik isiginnaarsinnaalernissaat Atassummit siunnersuutigineqarpoq
Timersortunik isiginnaarutikkut takutitsisartut TV3 Sport akeqanngitsumik innuttaasunit isiginnaarneqarsinnaasariaqartut Inatsisartunut ilaasortat Atassummeersut Gerhardt Petersen Knud Kristiansenilu siunnersuuteqarput. TV3 Sport ilaatigut arsaattunik takutitsisarput.
Namminersorlutik Oqartussat akiligaannik DR1, DR2, DR K aamma Ramasjang takuneqarsinnaapput. Timersortunik isiginnaarnissamut illoqarfiit namminneq akiliilluni periarfissiisarput.
TV3 Sport akeqanngitsumik takuneqarsinnaalernissaa Gerhardt Petersenip Knud Kristiansenillu siunnersuutigaat. Taanna pillugu Naalakkersuisunut paragraf 37 naapertorlugu apeqquteqarput.
Inuunerup pitsaanerulernissaa anguniarlugu Gerhardt Petersen Knud Kristiansenilu taama siunnersuuteqarput.