Sermersooq
Timersortartoq nuannaartorisat innersuuguk
Kommuneqarfik Sermersuup timersortartut ulloqartitsineranut atatillugu innuttaasut nersornaatinut arlalinnut innersuussisinnaapput
Januaarip arfernani Kommuneqarfik Sermersooq timersortartunut ulloqartitsissaaq.
Tassunga tunngatillugu kommuni ukioq manna pissartanngortunut diplominnatsitsissaaq. Innuttaasullu kikkut iligiit kommunimit nersornaaserneqarnissaannut innersuussaqarsinnaapput.
Assigiinngitsut arfinillit
Timersortartut ataasiakkaat iligiikkaalluunniit assigiinngitsunut arfinilinnut innersuunneqarsinnaapput.
- Ukioq manna timersullammak
- Ukioq manna aqutsisuullammak
- Ukioq manna sungiusaallammak
- Ukioq manna iligiillammaat
- Ukioq manna piukkunnaatilik
- Ukioq mannan kajumissaammik tigusisussaq
Kingusinnerpaamik oktobarip 31-ani innersuussisoqarsinnaavoq, Kommuneqarfik Sermersooq ilisimatitsivoq.
Innersuussutit e-mailimut nassiunneqassapput: Peqatigiiffiit@sermersooq.gl, imaluunniit kommunimut allakkanik nassiussinikkut.