Arctic Winter Games
Timersornerit nalliuttorsiornissallu silap akornuseqqippai
Arctic Winter Gamesimi qummoroortarnissaq snowboardimillu unamminerit kinguartinneqarput
Nuummi anorlernera apineralu Arctic Winter Gamesimik aaqqissuussisunik akornuseeqqipput.
Taamaasilluni sisamanngornermi snowboardimik unamminissat tallimanngornermut kinguartinneqarput, unamminerillu nalunaaqutaq 11.00 aallartissapput.
Qummoroortarnissaq kinguartinneqarpoq
Taamatuttaaq qummoroortarnissarsuaq, sisamanngornermi unnukkut nalunaaqutaq 21.30 Nuutoqqami pisussaagaluaq aaqqissuussisut kinguartittariaqarsimavaat.
Qummoroortarnissaq tallimanngornermut nalunaaqutaq 21.00 missaanut kinguartinneqarpoq, tamannalu pissaaq timersortarfissuarmi Inussivimmi naggataarnersiornerup kingorna.
Unammiuaarnerit ilisarnaataata Kuluup persuarsiorneq naggataarlugu kulturip illorsuata Katuap saavani inneq qamissavaa. Tassanngaanniillu nuutoqqamukarluni qummoroortarneq isiginnaariarneqarsinnaavoq, aaqqissuussisut paasissutissiipput.