inuuneq pitsaanerusoq
Timersorneq inuuniarnermut ajornartorsiornermut assiaqutitut
Danmarkimi Lokale- og Anlægsfondenimut pisortaq, Esben Danielsen, Kalaallit Nunaanni inuuniarnermi ajornartorsiutinut akiuiniarpoq. Timersorfissat nutaat kivitsisuussapput
Timersornermut periarfissat annertusinerisiugut Danmarkimi Lokale- og Anlægsfondenimut pisortap, Esben Danielsenip, Kalaallit Nunaanni inuuniarnermut ajornartorsiutinut tunngatillugu annertuumik allannguuteqarniarpoq, Altinget.dk allappoq.
Timersornerup, kulturip aamma sunngiffiup iluani ineriartortitsinissaq aamma sanaartortitsinissaq pillugu aningaasaateqarfik pilersinneqarnikuuvoq. Kisianni Esben Danielsen inuuniarnermut tunngasunut saakkaangami, aningaasaateqarfiup tunngaviusumik naleqartitaanik tigusisarpoq.
Naapittarfiit
- Timersortarfimmik illumik sanalinngilagut. Inuiaqatigiinnut naapittarfimmik sanassaagut. Tamanna arsarfissatsialaannaanani, håndbolderfiinnaanani imaluunniit sulorarfiinnaannginneranik isumaqarpoq. Inuiaqatigiit aamma krumtappitut - qanga katersortarfittut atugassarissavaat, Esben Danielsen Altingimut oqarpoq.
Atuaruk: Aningaasateqarfik Nunatsinni timersorfissanut millioninik aningaasaliivoq
- Sunngiffimmi inuunermut pitsaasumut tunngaviliisarpoq. Tamannalu pissaqarnerit pissakinnerillu naapissinnaanerannut tunngavoq; ukiut apeqqutaatinnagit ataatsimoorsinnaaneq. Najukkami inuiaqatigiit nukittorsarnerannut tunngasinnaavoq, sunngiffimmi inuunermik ataatsimoorussaqaraanni. Taamaalilluni inuunermik pitsaasumik ukkassisoqassaaq, taanna oqarpoq.
Danmarkimi Lokale- og Anlægsfondenip siornatigut ilaatigut naluttarfik Malik Nuummi tapersiiffiginikuuaa, taanna 2003-mi naammassineqarpoq.