Timelaps-video Nunatsinneersoq finalimut annguppoq
Aliikkutaralugu assiliisartoq Lasse Nymand, Nuuk, kusanartunik assilisaminik aviisip ullormut saqqummersartup Politiken-ip unammisitsinerani finalimut annguttut arfinillit ilagaat
Annonse
Aviisip ullormut saqqummersartup Politiken-ip timelaps-video-nik unammisitsinerani peqataasunit 45-nit arfinillilt finalimut anngupput. Kusanartumillu videoliat arfinillit ilagaat aliikkutaralugu assiliisartup Lasse Nymandip sanaava. Timelaps-video-liaani takuneqarsinnaapput Sisimiuni Nuummilu arsarnerit, upernaaq manna assilineqarsimasut.
Unamminermi ajugaassaguni akissarsiassatsialassuarlu, Canon 600D, pissarsiarissaguniuk Lasse Nymandip taasinissat atorfissaqartippaa. Atuisartut taasinerat 50 procentimik sunniuteqassapput, aalajangiisussallu taasinerat affarmik sunniutissalluni.
Finalertut takusinnaavatit taasillutillu, taamaasillutillu Kalaallit Nunaata kusanartumik takutinneqarneranut peqataallutit.