Nuuk
Tillitarpassuit tuniniagaapput
Tillinnerit 26it sapaatip akunnerata ataatsip ingerlanerani Nuummi nalunaarutigineqarput
Akikitsuararsuanngorlugit Nuummi aqqusinermi tuniniakkanik pisinissaq Nuummi politiit inassitiginngilaat. Taama nalunaarpuq tillinnerit amerlasuut pereersut aquuteralammiit atortorissaarutinut elektroniskiusunut. Neqeroorutit ilaat upperisassaanngitsut politiit nalunaarutigaat.
Sapaatip akunnerata ataatsip ingerlanerani Nuummi tillinnerit 26-it nalunaarutigineqarpoq. Tillinneqartut ilagaat aquuteralaaraq 4 HK Yamaha, sisoraatit salomonit, seqersaat, fladskærmi panasonic, samsung Galaxy mobileq, qarasaasiaq, Ipad2 guitarilu.
Allagartalertarlugit
Tillinniartoqarneranut pissutaagunavippoq tillitanik piserusuttoqartarmat naak tamanna inerteqqutaagaluartoq.
Nuummi politiit innuttaasut kajumissaarpaat tillitanik tuniniaasunik pasitsaassaqarunik politiinut saaffiginnequllugit.
- Inuinnarnit pisinermi allagartalersinnissaa uppersaatissaqarnissaalu eqqaamasariaqarpoq, mianersoqqissaarfigisassaappullu tuniniakkat uppernanngitsumik akikippallaat, Nuup politiivini pigaartuusoq Carl Sværd nalunaarpoq.
Sapaatip akunnerata ingerlanerani angerlarsimaffinni eqqissiviilliornerit 29-it politiit orniguffigisimavaat taakkunanngalu arfneq marlunni meeqqat najuussimapput.