Tillinniarnermut ilisimannittunik politiit ujaasipput

Narsami Pilersuisumut tallimanngornerup unnuaani tillinniartoqarpoq, tassani oqarasuaatit angallattakkat tillinneqarsimallutik. Tillinniarnermut ilisimannittunik ujaasisoqarpoq

Narsami Politiit ulloq 19. oktober 2018 nal. 08.06 nalunaarfigineqarput Narsami Pilersuisumut tallimanngornerup unnuaani tillinniartoqarsimasoq.

Tillinniarnermi mobiltelefonit arlallit tillinneqarsimapput mærket makku iphone, Huawei Mate 10 aamma Samsung Galaxy S8 aammalu Playstation 4 Pro.

Politiit tusagassiutinut nalunaaruteqarput.

Tillinniarneq pivoq nalunaaqutaq 03.50.

Tillinniaq ima isikkoqarpoq

Angut, tuattoq, 175 - 180 cm angissusilik, taartumik nasaasalimmik tujuululik, taartunik attuumasunik qarlilik, taartunillu træningssko-lik qaqortunik alulinnik, aaqqatit taartut aammalu nammattangaqarluni Haglöfs-mik mærkelimmik.

Polititiit ilisimannittunik attaveqarusupput imaluunniit paasissutissiisinnaasunik suliassaq pillugu. Ilanngullugu mianersoqqussutigineqassaaq mobiltelefon-nik ammalu Playstation-mik tillitanik paarisaqartoqarmat.

Polititiit innuttaasut tillitanik tuniniaaffigitittut tusarfigiumavaat aammalu ilanngullugu mianersoqqussutigalugu tillitanik pisineq inatsininik unioqqutitsinerummat pineqaatissinneqarnermik kinguneqarsinnaasoq.

Narsami Politiit attavigineqarsinnaapput tlf. nr. 701124.

Powered by Labrador CMS