Nuuk

Tillinniarneq Facebookikkut paasineqartoq

Atortorissaarutit nutaaliat atornerisigut illoqarfiit pingaarnersaanni politiit suliaat oqilisaanneqarput

Nuummi Politiit angerlarsimaffimmut tillinniartoqarsimaneranik suliaq ingerlatartik sapaatip akunnera kingulleq paasisaqarfigaat tillitat Facebookimi qupperneq KØB-SALG-BYTTE tuniniarneqareersullu.

Taama Nuup Politiivini pigaartoq Bjørn Bjerregaard Sermitsiaq.AG-mut oqaluttuarpoq.

Tillinniarnerinnaanngillalli Facebookimi quppernerit atorlugit politiit suliarisaanni suliassat paasineqartartut.

Bjørn Bjerregaardimmi ilanngullugu aamma oqaluttuaraa politiit piffissami kingullermi tillinniarnernik videomik immiussilluni nakkutilliissutit atorlugit paasineqartut saaffiginnissutigineqallattaarsimasimasut, soorlu pisiniarfinnit imaluunniit suliffeqarfinnit nakkutilliissutinik immiussissutaatilinnit.

Politiit Nuummi sapaatip akunerani kingullermi iluanaarniarluni inatsisinik unioqqutitsinerit 21-t nalunaarsorsimavaat, soorlu tillinniarnerit, aserorterinerit assigisaallu, taakkunannga pisiniarfinni tillinniarnerit arfineq marluk.

Atuaruk: Nuummi politiit: Aningaasarsisoqarsimanera sulinitsinnut malunnarpoq

Powered by Labrador CMS