misissuineq
Tiinannguaq Lyberth ipad-innappoq
Nuuttarneq pillugu Namminersorlutik Oqartussat misissuineranni inuit 1.600-t peqataapput, taannalu akissarsiassartaqarpoq
Sooq nuuttoqartarpa, soorlu nuuttoqarneq ajorpa?
Apeqqutit taakkua Aningaasaqarnermut Naalakkersuisoqarfiup ataani Nuna Tamakkerlugu Pilersaarusiornermut Immikkoortoqarfiup maajimi misissuinermi akissutissarsiorpai.
Misissuinermi inuit 1.600-t peqataapput, tassanilu iplad akissarsiassaavoq.
Tiinannguaq Lyberth
Tiinannguaq Lyberth ipad-innattuuvoq, akissarsiassarlu tunniunneqarpoq Aningaasaqarnermut Aatsitassanullu Naalakkersuisumit Randi Vestergaardimit (D). Tiinannguaq Lyberth inuit 1.000-ingajaat misissuinermi aterminnik oqaatiginnissimasut ilagaat.
Nuummi najugalik
Ipad-imik eqquisoq 38-inik ukiulik ullumikkut ilaquttanilu Nuummi najugaqarpoq.
Meeraanerminiilli Tiinannguaq nooqattaarsimaqaaq, taamaattumillu illoqarfippassuit najugaqarfigisimallugit. Qaqortumi inunngorsimavoq Uummannamilu peroriartorluni. Inersimasunngoreerluni Tiinannguup aamma illoqarfinni Ittoqqortoormiini, Maniitsumi, Ilulissani maannalu Nuummi najugaqartarsimavoq.
Atuarneq pitsaanerusoq
– Siullermik Nuummut nuuppunga 1993-imi, ilaquttamma kissaatigimmassuk atuarnermut ilinniagaqarnissamullu pitsaanerusunik periarfissaqassasunga. Taamatut aalajangersimanerat ullumikkut nuannaarutigaara, Naalakkersuisut.gl naapertorlugu Tiinannguaq Lyberth oqarpoq nangillunilu:
Arlaleriarluni
– Arlaleriarlunga Nuummi najugaqartarsimavunga, illoqarfiillu pingaarnersaannut 2013-imi nooqqippunga. Taamanikkut isumaqatigiippugut ilinniagaqaqqinnissannut piffissanngortoq. Taamaattumik sulinerma saniatigut maanna Ilisimatusarfimmi avataanit ilinniagaqartutut socialrådgiverimut ilinniagaqarpunga.