Birna Brjánsdóttir
Tigummigallarneqarluni paarnaarussaaqqanera sivitsorneqartoq
Birna Brjánsdóttirimut toqutsisutut pasineqartoq maajip 23-ata tungaanut tigummigallarneqarluni paarnaarussaaqqassaaq
Angutip Birna Brjánsdóttirimut toqutsisimasutut pasineqartup tigummigallarneqarluni paarnaarussaaqqanera sivitsorneqarpoq. Tusagassiorfiit mbl.is aamma ruv.is taama allapput.
Angutip taanna arnaq inuusuttoq januaarip 14-anni toqussimaneranut pasineqarpoq.
Sapaatip-akunnerini sisamanik sivitsueqqittoqarpoq, tassa imaappoq maajip 23-ata tungaanut.
Suliap eqqartuussivikkoortinneqannginnerani illersuisup pappiaqqat misissoqqinnissaanut qinnuiginnissimavoq.
Unnerluussisussaatitaasut naapertorlugit taassuma biilimi Kiami attartukkamiinnerminni niaquatigut annersarsimavaa qimillugulu. Kingornalu imaanut igissimavaa, tassanilu ipilluni.
Pasineqartoq suli pisuunnginnerarpoq. Illersuisua taassuma suli tigummigallarneqarneranut akerliliinikuuvoq.