Kalaallit Nunaat Tivolimi
Tigumatussutsimut mianersoqqussut
Nuka Alice Lundip aamma DJ Uyarakq Sassuma Arnaanik oqaluttuatoqaq avatangiisini alutornartuni oqaluttuaraat
Sassuma Arnaa Tivolis Koncertsalip ataani aalisakkanik uumatitsivimmi 30 meterinik takissusilimmi kalaallit aliikkusiartarfitoqqami nuannatileruttorneranni tarraleqisaanit,qalussuernit, nimeriakkut ilaannit muræninit koraleqarfinnilu aalisagarpassuarnit qalipaatigissaartunit ornigarneqarpoq.
Sassuma Arnaa tigumatussutsimit mingutsitsinermillu kamatsinneqarlunilu mingutsinneqarsimavoq. Angakkup kisimi eqqiarneratigut illaarneratigullu saammarsarsinnaavaa.
Kulturimik suliaqartoq tusagassiortorlu Nuka Alice Lund DJ Ujarakq elektroniskiusunik nipilersortuliullugu oqaluttuatoqqamik oqaluttarinnitsillugu aqqartartoq aalisakkanik uumatitsiverujussuarmut aqqarpoq arnarlu inuit piniagassanik tunineqarnissaannik aalajangiinissamut pissaaneqartoq eqqialerlugu illaalerlugulu.
Saammarsarniarnera suliarujussuuvoq angakkulli pikkorissup, aqqartartup, tamanna iluatsippaa. Taavalu utersinnaanngorpoq allallu oqaluttuullugit tigumatunertik kiisalu imaanik pinngortitamillu mingutsitsiumatunertik unitsittariaqaraat.
Kia illaassavaa?
Oqaluttuatoqaq oqaluttuarineqareermat Kalaallit Nunaannit qangarnitsanik filmertitsisoqarpoq.
- Sassuma Arnaa ullumikkut mingutsitsinermut qanoq oqassagaluarpa? Angakkorlu nujaanik illaarinnittussaq kinaassanerpoq? Illit, illit imaluunniit illit, Nuka Alice Lund aperivoq isiginnaartullu akornanni meeqqanut inersimasunullu tikkuartarluni.
Kalaallit Nunaat Tivolimi 2015 pillugu allaaserisat tamaasa atuakkit