Royal Greenland
Thinghuus canadamiunut eqqissisaavoq: Uagut pitsaanerpaavugut
RG-mi qullersat Canadamiut qulartut isiginngitsuusaanngilaat. – Uagut piginnittunngorsinnaasuni pitsaanersaavugut, Mikael Thinghuus oqarpoq
Newfoundlandimi aalisakkanik suliffissuaq Quin-Sea Fisheries Ltd. inuiaqatigiinni pingaarutilittut isigineqarajuppoq.
Suliffeqarfimmi amerlaqisunit isummersorfigineqartarpoq misigissuseqarfigineqarlunilu.
Taamaattumik Canadami inuiaqatigiinni maanna oqallittoqarnera, Royal Greenlandip pisortaanerata Mikael Thinghuusip paasilluarsinnaanerarpaa.
Atuaruk: Royal Greenlandip canadami unammillertini pisiaraa
Malinnaaffigaat
Oqallinneq soorunami malinnaaffigaarput. Oqallinnermi Royal Greenlandip suliffeqarfittut apeqquserneqannginnera maluginiarparput. Isornartorsiorneqartormi annerusumik pineqartoq tassaammat nunanit allamiunit pigineqalernera, Mikael Thinghuus erseqqissaavoq nangillunilu:
- Inuit apeqqusigaasa amerlanersaat pissusissamisoortuupput. Quin-Sea Fisheriesip suliffissuinut pilersaarutivut paaserusunneqarmata aamma pilersaarutigineqartut sulisunut tamaanilu aalisartunut qanoq kinguneqassanersut paaserusunneqarmata paasilluarsinnaavavut. Taamaattumik pisiniarnitta akuersissutiginiarneqarnerani qularnanngitsumik februaari naatinnagu naammassineqartussami, tamanna aamma pingaarnertut inissisimavoq.
Atuaruk: Kalaallinuna suniaraatigut?
Allaaserisaq tamaat AG-mi uani sapaatip akunnerani saqummertumi atuaruk, uani pisiarisinnaavat: