video takuuk
Texasimi Small Time Giants nersualaarneqartut
Small Time Giants tusarnaartitsinerannit immiussaq saqqummiunneqarpoq
Small Times Giants, maannakkorpiaq nipilersortartut nunanit avannarlerneersut arlallit peqatigalugit Texasip illoqarfiisa pingaarnersaanni Austinimi nittarsaanneqartut, svenskit aviisiannit Göteborgs-Postenimit nersualaarneqarput.
USA-mi pikialaartitsinermi, SXSW-mi, nunani avannarlerni nipilersortartut piukkunnaatillit nunanit tamalaaneersunit tusarnaariartunut nittarsaanneqarput, aviisillu svenskit aallartitaat illoqarfiup tusarnaartitsisarfiisa 100-t akornanni Small Time Giantsip tusarnaartitsiffianukartoq naammattoorpaa.
Aamma atuaruk: Nipilersoqatigiit marluk Texasimi festivalerujussuarmut peqataalersut
- Sapaatip akunnerata aallartinnerani illup qaavani aneerasaartarfimmi tusarnaarpagut tusarnertupilussuuppullu. Erinarsortuat assorsuaq pikkorippoq, nittarsaassinermut siunnersorti Ebba Lindqvist Göteborgs-Postenimut oqarpoq.
Illup qaavani aneerasaartarfimmi tusarnaartitsisut takukkit
Nipilersoqatigiit marluk peqataasut
Kalaallit Nunaanni NAPA-mi pisortaq Mats Bjerde, tamatuma saniatigut innuttaasut 56.000-iinnaagaluartut pikialaartitsinermut nipilersoqatigiinnik marlunnik peqataatitsisinnaanertik oqarataarutigaa.
Aamma atuaruk: Small Time Giants normu 1-iusut
- Ukioq manna sinnerlugu peqataatitaqalaarpugut, kisianni illuanik maani najugaqartunut sanilliullugu Kalaallit Nunaanni nipilersortartorpasuupput.
Small Time Giantsikkut peqataanerisa saniatigut Uyarakq & Peand-eL Texasimi pikialaartitsinermut peqataapput.