perlerorneq
Teriannissat perlerortoqarneranik aarlerititsisut
Nuummi Qallussuup eqqaani terianniamik takunnittoqarsimanera pissutigalugu, Kommuneqarfik Sermersooq misissuinialerpoq.
Illoqarfiup qanittuani teriannissanik perlerortoqarsinnaanera ernumanarmat Kommuneqarfik Sermersooq sillimarusuppoq, kommuni tusagassiuutinut nalunaarummi paasissutissiivoq.
Pullatilersuisoqartoq
Kommunimi sulisut Qallussuup eqqaani pullasiorniarput, taamaaliornikkut terianniat pisarineqariassallutik, kommuni paasissutissiivoq.
Terianianik takusaqassagaluaruit, Kommuneqarfik Sermersuumi ingerlatsinermut aqutsisoq, Søren Christensen attaveqarfigisinnaavat oqarasuaat 55 31 10 sianerfigalugu, kommuni paasissutissiivoq.
Qaratsamik aseruuttoortitsisinnaasoq
Perlerorneq nappaataavoq uumasunut inunnullu qaratsatigut aseruuttoortitsisinnaasoq. Miluumasut kisimik tunillanneqarsinnaapput. Perlerorneq miluumasunit kiitinnermit tuniluuttarpoq. Nappaatip takussutissartaasa ilagaat sakkortuumik iliuuseqartarne, taamaammat uumasut tunillatsissimasut naliginnaasumit saassussikkajunnerusarput.